هذه رسائل مهداء خاصة لي اخوي ميتشو ولي جميع زوار واعضاء منتدى اتمنئ ان تنال اعجابكم
كل جديد إيجد برزقه............. مالقديم الا للعزقه
اتصدق ديمه اتصدق فيهم .......عيني مازالت تبيهم
يالقديم عليش اترقع ........درنا صوب جديد امسقع
كان اتريد كلام الزبده......... عقلي طايح فيك بكبده
يالقديم طعمتك عدت........... وماعمرا اللي عدت ردت
قيسك ياعيني امظيليمه.......... تخنق فيك العبره ديمه
اطلقها تبكي نين اتمل.............اما تسكت اما تنعل
بأذن الله جديدك شاطر ...........يمسح كل اجروح الخاطر
الياس علينا موش غريب......... تمه ايجينا كي النصيب
الياس امسلمني للياس ...........بعد هكي تمرميد خلاص
اقسامي مادارنشي خير........قديم عطنه فيد الغير
موش امغير حسوفه نقه....... فيد الغير عزيز انحقه
حتي كان اقدم فضيولــــــــــي .... ماني كيف زمان بطولـــــــي
بات الراى على نسوتهم ........ عيت قديمين وسيرتهم
فالدار ماهناك مكان ..... ..... صبت عليه عينى وما بكت
خلاهن افراق عزيز انظارى قزازين يشغلن
امرار شربته فوق امرار افراق عزيز وخلو الدا
خلانى غلا قديم@@@@@نشاكى للى مانشغله
خلانى قديم رماد@@@@@امغير فيش يانار والعة
مره مره نرى فيهــــم***** خايف من قولت نسيــــــــه
ايمتا يا عين انسيتهـم****انبراح وانتى تطرى فيـــــه
مالك لا شى اسملهــى****قتلك تنسى قالت باهــــــى
طروا مرهون ونا غلبان***التفتوه القونى بريــــــــان
فى عقلى مرهون مواجع****طيحان من غير امواجــــع
من رايت العقل علينـــــا****نتقوا فى النار التينــــــه
كثران يا عينى رايتــــك****نايلى حزتيه جاتـــــــــك
عقلى بين غلاه ومـــــره**** يرداح كى غربال الحـره
مــــــــــــع تحيات بوعزيـــــــزة
درت غلا روحي نساني,,,,هيالي سلطان زماني
انكان ناكرين غلاك ... ما جبدنا سريبك يا غلاء
فطمت خاطرى بغلاك ... حكمت فيه ماغيرك عرف
بعد ما سكنت القلب ... هجرت ليش يا طير الغلا
ايامن وحظى زين ... خذيت قرعتى فيك ياغلا
اللي اسعده فالعرب بالهون ... شور ايش ايدير فيه الغلا
تراخت علية العين ... تحسابه غلا دايملها
لنقانهم رزونى فيه ... خرابت الغلا يا ويلهم
يا عوينه بلا امحسود ... اللي ما عرف يوم الغلا
عزيز كان خان الصوب ... عزاي فيه توبه ع الغلا
عندى عين فارضة عالعقل يخطر عزيز الاوقات كلها
العين فى غياب غلاك الحزن هو لباسها
عزيز غاب غيبة عمر امفيت حلم ما عاد ننظره
الله لايجيب نهار اعزاز فيه يبقوا لغيرنا
عزيز قبل مالى دار خلاها خلا يا نويرتى
خلانى غلا عزيز اطرش كفيف فى دار خالية
حسايف العين اكبار تنظر عزيز فى إيدين غيرنا
خلوك فى مصافق ريح اعزاز قرطسوا بيت الغلا
بكيت يا عزيز عليك رقيت عزم قسمى قيسنى
الصبر ما يجيب عزيز امغير عذر داروه العرب
القسم مرتين اظلمك ودر عزيز وحذاك نزله
اغفيت ما لقيت اعزاز اوعيت جرتى باكيلهم
عطاك يا عزيز الله مسيطر علينا بالغلا
النوم والعزيز بعيد حرام عليك يا عين ترقدى
غيبة ناس اعزاز اتعذب = اللى ما ضاق يقول امكذب
راجع يالعزيز ضميرك = راك وراك امبكى غيرك
دار عزيز عليها حالف = غير الحى عليش يوالف
بعقالك يا عقلى خلك = لين يجيك عزيز يحلك
عزيز نسانا دار عويل = يقمط ويدودش ويشيل
انريدوها لكن هيهات = عزيز يجى يسهر ويبات
عزيز امخليلى لوهام = جدب لو تمطر مية عام
حصلة فيه عزيز احصلنا = لاهان ولا فيه اوصلنا
جنين غلاى اللى ناسيه = لقيت عزيز يربى فيه
عزيز دوانا بين إيديه = إن متنا محسوبين عليه
الغناوة تقول العين مو فراق عزيز الصاعب إنها ما ودعت
والشتاوة تقول اللى صعبت ساعة فرقاه = عزيز مشى ما ودعناه
نبى مشاركة
___________________** التوقيع **________________
تحياتي عبدو الورفلي
الإثنين يوليو 23, 2012 4:03 pm